" شيء غريب "

شيء غريب اوووى...لما الانسان يكون هدفه تدمير نفسه

اه... تدمير نفسه..وبأصرار هدف وحطه ادام عنيه... والغريب جداااا ان الانسان ده ممكن يفشل فى كل اعماله...لكن عند حتة تدمير نفسه.. بينجح وبشكل مذهل...!!!!!

يا ترى ده انتقام.. ولا أرف منها (من نفسه يعنى)... ولا لانه شاف ان مفيش منها هدف

شايف انه على طول ايامه بيتألم...بيحزن..بيبكى..بيتعب..بيصرخ

يبئى يترك نفسه لايه؟
واوقات

وسط العتمه دى كلها يشوف بصيص نور من بعيييييييد

يفتح عينه عليه ويدقق فيه يلاقيه شيء كبير اووووووى وحلوو اوووى

يقول يمكن .... يمكن .. ده الهدف..واخير هاشوف وسط العتمه مش هاتخبط تانى

لكن للاسف كان جواه لسه جزء بيصر ..وبشكل غريب على التدمير

بيعافر... بيحاول.... وبدل مايشوف صح شاف الوهم نور... والسراب ..حياة وتكون دى فعلا نهايته

. ولحظة التدمير...تطلع رياح قويه تهب

وتوصل لبصيص النور.. ينطفي ويختفى

وترجع العتمه اكتر من الاول.....ترجع عتمه بدمار...واثار موت

واشلاء متفتته فى كل مكان..

واخر شيء ممكن يفكر فيه....هو ..أيه اللى وصله لكده

استسلامه لفشله ولا طموحه بالمستحيل ولا حبه لوهم... ؟
دعوة مننا للحوار مع النفس والنظر بكل التصرفات بشكل واقعى..
وعشان نعيش صح...لازم نصحى الاول من غفلتنا